好耐好耐都未打過Xanga啦! 近兩個月來...一切大大小小既活動我都要參與,好忙! 4月20~25日@湖南懷化作交流之旅 今次既旅行...我真係有好大既收穫....體驗到好多既野! 因為真係唔講你唔知呀...原來我係湖南有好大既市場嫁! 不論...小朋友&大人...一律都好鐘意我...勁受歡迎! 我又受中,小學既女仔熱情招待...當時真係唔太想返香港! 又係湖南識左好多朋友...用QQ用Msn同佢地Keep住聯絡~ 比較熟d既有小丹妮,小芹,米雪,歡歡......其中小丹妮更係校花來!笑......^^ 好可惜...我冇同小丹妮影相! 失望....後悔.... 
另外,我地去到超靚既鳳凰古城....又影相...又去酒吧...又買手信 果度真係一個不夜城咁...五光十色...多采多姿...超好玩...仲有成條食街做宵夜! 但係古城果晚..我地間酒店停左電呀,直至發生左一件怪事...... 話說我地果晚點蠟燭去打牌....本身都打到好地地既! 當台面打左兩隻一索.....我再打第三隻一索時....竟然有人叫碰! 但我地三家都唔發覺既...只得阿sir大叫"咪住,點解有五隻一索" 講完LE 句之後...成間酒店即刻有番電....超驚慄! 上到火車玩啤牌又有八隻Ace 喎....笑到我地死呀~ 
 
不過,le D都係趣事來既....真正令我有深刻感受既係去探訪山區學校! 我記得果日落好大雨...淨係去學校果條路已經滿腳泥啦! 到左目的地我地開始同班小朋友玩遊戲...好開心! 但去到食飯既時候....人地當我地係貴賓去招待! 拎哂所有好既飯菜比我地食.....可惜我班朋友就唔太適應,冇咩點食! 我都冇食到d飯菜...因為我唔忍心食...我感到羞恥! 係我沿途由廚房拎飯菜到班房期間~ 我見到成班小朋友樽係走廊只食一碗米豆腐做午飯! 米豆腐只係當地既平價食物...冷冰冰既...加辣椒油去食既~ 我當時真係好心痛呀,佢地竟然連一D可以暖暖地既野到肚都冇呀! 相反自己係班房入面大魚大肉....於心何忍呀~ 所以我決定拎一碗米豆腐...陪班小朋友樽係出面食! 但換來既竟然係比同學笑我傻仔...笑我冇用...扮型! 不過我冇理到班同學...照出去陪班小朋友...又同佢地唱歌,傾計! 我亦相信le 度可以比到個答案我...點解我會比其他人受歡迎~ 也許我比別人更容易融入其他既生活...肯放下身份,有一顆平易近人之心! 當我地準備走啦...佢地竟然走哂入去班房食我地食淨既飯菜~ 我睇到之後更加之唔開心 ~ 覺得我地唔配做來交流既學生! 而家我真係好掛住佢地當時不斷高呼我個名既情景.... 我"再說一次我的名字是..." 小朋友"胖哥哥" 每叫一次,感覺就愈強烈....真係好開心! 今次既旅程...我都賺左好多野....同朋友關係又好左! 加上平日School Band , Drama , 係商中既鍛鍊...我適應力特強! 就算更惡劣既環境都試過啦...今次既食宿遠遠都好過跟school band啦! 所以我完全冇問題...餐餐都可以食到四,五碗飯呀!訓又可以喎.... 總之今次真係好好玩啦...仲要係我苦練drama期間,難得既大假來! 
4月29日@商中Drama club 出征荃灣比賽! 自己作為永遠榮譽會長兼半個戲劇導師...點都要睇住佢地~ 所以比賽之前既一個月我已經不斷返去排戲... 希望可以令佢地將自己既能力發揮到最好! 果個仲要係我親自帶隊去比賽....坐係老師席上面! 結果佢地冇令我失望...拎左亞軍,最佳創意獎&最佳演員獎... 連埋之前校際戲劇節既五個獎項... 一套<<魔鬼與農夫>>令我地今年拎左八個獎啦!超開心.... 係5月16日我仲同成班演員出左去浸會大學拎獎添! 學校更為左隆重期視我地套戲....仲特別安排我地5月22日作全校公演! 公演之後就做班際戲劇比賽...並由我同Miss Lam做評判! 希望可以比全校同學更多機會接觸Drama同分享我地既成功!  
4月17~18日,5月1~2日@天后誕 + 長洲太平清醮巡遊 又係一年一度為商中銀樂隊搏命既時候.... 連續玩左三年鼓台啦....年年都累到想死! 第一年主題係日本太鼓
第二年主題係漁船之一舨風順
第三年主題係奧運聖火 今年主題係獅子.天后.魔衣廚...笑左! 我亦都由指揮變成左獅子既話事人!做左獅子王... 隻野真係重到想死,揹完之後,肩上起哂水泡...痛左幾日! 但鬼叫我係阿sir心中有名咩...點都要幫佢頂哂佢! 每次佢出咩難題...我同阿彤都要諗計搞掂佢既...咁又次次都掂先勁! 我係長洲又一如以往上左電視....今次係有線新聞娛樂台! 今次堅到係直頭有人拎支咪向我訪問添! 元朗合益路至大球場....整個長洲既大街小巷都充滿左我既血汗! 我地行行地都要勞役半日既...而且夜晚我地訓青年中心既地下.. 沖涼去體育館沖....食飯都係食素...仲要同人搶食既! 我試過一件三角型既三文治,二個大男人分咋! 自己做大...點都要讓比d細食先既!自己為由頂啦.... 我地一毫子都冇嫁...仲要貼錢添呀...真係少d力量,少d忍耐都死呀! 所以話跟school band點可以練唔到自己既能耐呀?!        
5月15日@宏信書院動土禮 動土禮果日我係接待組既人來..... 起初我係幫方方做搬運既工作人員既... 點知有一日早會無端端比人叫左去接待組開會..跟miss 梁! 果時我先知原來比黃副校點左名轉左組! 就係果一刻當堂我既工作量大增...要開多幾次會去準備接待嘉賓! 我冇所謂呀...反正我對間新校太熟啦...係我屋企附近咋...而且開正我說話果範! Miss叫我睇熟個校舍平面圖我都冇理佢...淨係聽左佢講解一次就算啦! 跟住Miss仲話我說話能力高...而且仲識得梁志祥主席..所以搵我去專人招呼佢! 起初都冇咩野既...好順利...同叔叔都有講有笑... 到左嘉賓入席...我滿以為已經大功告成...原來先係惡夢既開始! 由於其中一位主禮嘉賓遲到呀...學校唔想冷場所以臨時搵人出去講野~ 點知Miss就即刻捉左我出去...講都唔講咩事...淨係叫我即刻出去介紹新校! 仲要無限時....總之要拖到個主禮嘉賓來為止! 大佬...我完全冇準備過...又唔知咩事...真係靠天才! 好在我都壓得到場...後尾愈來愈有信心...發揮小宇宙...吹水至上! 去到主禮嘉賓到啦...Miss做手勢叫我停...咁我就收靚個尾,完結左佢! 嘩...我足足硬頂左七分鐘...完全可以話死亡七分鐘!完左都出哂汗... 但後尾都比好多人讚我...連D嘉賓都以為我有備而戰.冇人知我臨時拉夫! 好多老師都話我表現得好好...好開心呀! 由開頭幫方方至到最後受多人讚賞...真係機緣巧合! 連自己都估唔到會變成自己既show time...不過唔好有下次啦!怕怕~ ^^ 去到完哂之後....同四位見習老師 + 班主任劉sir 照相...超正!      
| 
